Afkorting

Op die betrokke dag het die Worshonde alwéér te lank op die produksielyn gevat en daar moes ‘n reuse order Bulldogs uit Engeland toe met ‘n tight deadline… en die Here wéét hoe moerrig die Queen geraak het as shipments laat is, so toe skryf Hy dié middag in afkortings en bietjie onduideliker as gewoonlik.

Om ‘n lang storie kort te maak… die engel in charge van sizing, pligsgetrou soos reën, maar bietjie stadig van begrip, verstaan die afkortings as: minder letters, minder hond. Trots op homself, spring hy aan die werk!

Later, kom God terug fabriek toe… en slaan met intrapslag Sy oë op na die berge: ‘n hele besending Engelse Bulldogs, in travel pack size. ‘n Sample puppy word Frankryk toe gestuur en noodloos om te sê, was hulle baie ingenome met hierdie oulike diertjie en het dadelik nog bestel. Vandaar sy naam – die klein French Bulldog soos ons hom vandag ken.

En alles het begin by ‘n…. Afkorting.